“Fituesi i botërorit, i planifikuar”- Van Gal akuza të forta: Argjentina u favorizua

Në dhjetor të 2022-it, Argjentina fitoi trofeun e tretë të Kupës së Botës, ndërsa mposhti në finalen e madhe Francën, teksa gjithçka u vendos nga 11 metërshat. Rrugëtimi i albicelestëve u komentua së tepërmi, madje duke u ngritur akuza për favorizim, njëra prej tyre ishte ndeshja ndaj Holandës.

Ish-trajneri i tulipanëve asokohe, Louis Van Gaal ka thyer heshtjen, ndërsa ka hedhur akuza të forta ndaj Messit dhe shokëve të tij. Sipas 72-vjeçarit Kupa e Botës ishte e planifikuar, ndërsa fituese ishte përzgjedhur Argjentina, ende pa nisur kompeticioni.

“Vërtet nuk dua të flas shumë për këtë. Nëse shikoni se si Argjentina shënoi gola dhe si shënuam ne dhe si disa lojtarë argjentinas kaluan vijën dhe nuk u ndëshkuan, mendoj se gjithçka ishte planifikuar paraprakisht. Dua të them atë që unë mendoj. Messi duhej të bëhej kampion bote? Po, mendoj kështu”, tha Van Gaal

Kujtojmë se përballja cerekfinale mes Holandës dhe ARgjentinës në kohën e rregullt u mbyll në barazim 2-2, ndërsa njëri prej golave të amerikano-latinëve erdhi me penallti. Në përfundim fituesi u zgjodh pas goditjes së 11 metërshave, ku të besuarit e Scalonit rezultuan më të saktë.

LEXONI GJITHASHTU:

• Argjentinasi që bëri muralen për Maradonën, “sjell” Messin në Tiranë
• Argjentina kampione bote në futboll, detajet nga ndeshja