KOKO FEST mbyll siparin në Korçë / Ndahen çmimet për 8 shfaqjet në garë

Është mbyllur me sukses festivali i Komedisë Koko Fest. 8 trupa teatrale u ngjitën në skenën e teatrit të Korçës, për 8 ditë me radhë, ndërsa në fund u ndanë edhe çmimet.

Mbyllet në Korçë festivali mbarëkombëtar i Komedisë. Shfaqja e fundit e këtij festivali ka qenë “Borgjezi Fisnik” vepër e Molerit, vënë në skenë nga Driada Dervishi, shfaqje me aktor protagonist Gentjan Zenelajn, i cili u vlerësua me çmimin e publikut.

Në fund të festivalit, juria e përbërë nga figurat më të njohura të filmit dhe teatrit shqiptar ka vlerësuar si shfaqjen me të mirë “Nata e Dymbëdhjetë” të Shekspirit, vënë në skenë nga regjisori grek Dhimitris Milonas.

Për aktoren Zamira Kita kjo shfaqje ka qenë një sipërmarrje e madhe e regjisorit grek dhe e gjithë trupës së teatrit të Korçës, ku janë dashur me shume se dy muaj për ta sjellë në skenë.

Aktori kosovar Bujar Ahmeti dhe Olta Daku janë vlerësuar si aktorët më të mirë në rolet kryesore.

Regjia me e mire e këtij festivali ka shkuar për Erion Isian, i cili merr për herë të parë një çmim të tillë.

Festivali i 10 i KokoFest ka ngjitur në skenën e teatrit “Andon Zako Çajupi” 8 trupa nga Tirana, Durrësi, Korça, Maqedonia e Veriut dhe Kosova, trupa të cilët për 8 ditë më radhë kanë sjellë për artdashësit korçare 8 shfaqje të autorëve të njohur botërore por dhe ato shqiptarë.

LEXONI GJITHASHTU: 

• Tirana e veshur kuqezi/ Tifozët e kombëtares ndezin atmosferën në prag të ndeshjes
• “Krerët e komunave të dorëhiqen”/ Sheholli: Kurti të mendojë për zgjidhje politike