Me thirrjet “UÇK”, tifozët kuqezi më mbështetje të Dritan Goxhajt

Ditën e sotme është zhvilluar  protesta për ish-ushtarin e UÇK-së Dritan Goxhaj para kryeministrisë.

Ndërkohë në një moment protestuesve i janë bashkuar dhe tifozët kuq e zi, ndërsa ishin nisur drejt stadiumit për të parë ndeshjen Shqipëri-Poloni.

Në pamjet e siguruara nga Euroneës Albania, tifozët dëgjohen duke brohoritur me thirrjet e UÇK-së.

Kombëtarja shqiptare e futbollit luan sot në 20:45 kundër Polonisë në “Air Albania”. Sfida e Tiranës është e pesta për dy skuadrat që luajnë në grupin E kualifikues të Euro 2024. Kuqezinjtë e Sylvinhos (7 pikë) mbajnë vendin e dytë në grup, me një pikë më pak se Çekia (8) dhe një pikë më shumë se Polonia (6).

Tanimë ethet e ndeshjes kanë nisur, me tifozët që janë nisur nga mbarë trojet shqiptare për të qenë në stadium.

Përballja e sotme do fillojë me një minutë heshtje, kjo për të nderuar viktimat e tërmetit shkatërimtar që goditi Marokun dje. UEFA ka vendosur që të gjitha ndeshjet e këtij raundi të nisin me një minutë heshtje dhe nderimi.

Formacioni i mundshëm i Shqipërisë:

Shqipëria (4-3-3): Berisha; Hysaj (Balliu), Ismajli, Gjimshiti, Mitaj; Ramadani, Asllani, Bajrami; Asani, Seferi (Uzuni), Cikalleshi Trajner: Sylvinho

LEXONI GJITHASHTU: 

• Tirana e veshur kuqezi/ Tifozët e kombëtares ndezin atmosferën në prag të ndeshjes
• Të hënën nis shkolla/ Rreth 450 mijë nxënës, startojnë vitin e ri 2023-2024