Shkatërrohet rrjeti kriminal në Itali, arrestohen 17, mes tyre 4 shqiptarë

Policia italiane ka goditur një grup kriminal të trafikut të drogës. Operacioni u zhvillua në Savona dhe Xhenova, ku ishte baza e këtij grupi.

Të dyshuar për trafik ndërkombëtar të drogës, policia ka arrestuar 17 persona, mes tyre 4 shtetas shqiptarë, më konkretisht Nik Dauti, Nerdojan Hoxha, Samir Shllegaj dhe Engli Shllegaj.

Mediat italiane raportojnë se disa prej tyre janë të lidhur me klanin mafioz ‘Ndrangheta’.

Organizata kriminale kishte ndërmarrë edhe hapjen e një kompanie importi të frutave nga Amerika e Jugut që do të përdoreshin për dërgimin e kokainës me ngarkesa të mbuluara.

Të dyshuarit akuzohen për 42 episode të tjera të blerjes, posedimit dhe transferimit, si dhe importimin nga Amerika e Jugut të sasive të mëdha të mbi 180 kg kokainë, 40 kg hashash, 70 kg marijuanë dhe dy tentativa blerje të mbi 200 kg kokainë dhe 300 kg hashash.

Hetimet kanë nisur që prej vitit 2019. Autoritet franceze kanë zbardhur komunikmet mes anëtarëve të grupit kriminal të cilët përdornin platformat  Encrochat dhe SkyEcc, ku më pas provat e siguruara ua kanë nisur homologëve italian.

LEXONI GJITHASHTU:

• Suedia i kthehet praktikës së librave dhe dorëshkrimit në shkollat e digjitalizuara
• Thesari i Shpiragut| Spaho sjell rastin e Italisë: Nafta nuk të bën më të zhvilluar