Me moton “Kosova nuk harron”, përkujtohen sulmet terroriste të 11 shtatorit

Përkujtohet në Kosovë 22-vjetori i sulmeve terroriste ne SHBA.

Me moton “Kosova nuk harron”, shoqata “Miqtë e Amerikës” ka organizuar disa aktivitete në nderim të viktimave nga këto sulme.

Organizatoret thane se këto aktivitete janë mesazh falënderimi për Amerikën, ndërsa kërkuan mbështetjen e saj për Kosovën edhe në vazhdim.

Pjese e aktiviteteve ishte edhe amerikani Edward Anderson, Drejtori i Departamentit për Sigurinë dhe Sigurinë Publike në OSBE.

“Dua t’ju falënderoj për atë që keni bërë të gjithë këtu dhe për vëmendjen e mediave për këtë, të rinjtë, dhe përsëri ju falënderoj shumë, ju nuk e keni harruar kurrë premtimin tuaj, ndaj faleminderit”, tha Anderson.

Homazhe te pllaka përkujtimore që i kushtohet 11 shtatorit bëri edhe lideri i Aleancës për Ardhmërinë e Kosovës, Ramush Haradinaj.

Nderim për viktimat e 11 shtatorit te 2001 bëri edhe kryeministri Albin Kurti me disa anëtarë të kabinetit të tij. Pjesë e aktiviteteve ishin edhe zjarrfikësit e Kosovës dhe policë të FSK.

LEXONI GJITHASHTU:

• Austri, shkatërrohet celula terroriste e lidhur me shtetin islamik
• Vuçiç: Po shqyrtojmë mundësinë të shpallim organizatë terroriste Policinë e Kosovës