Bello-sipërmarrësit: Mos diferenco veriun dhe jugun, jemi të gjithë mikpritës

Valentin Maçaj themelues i “Orës së Mirditës”, i cili ka shumë kontakte me turistët u përplas në studion e “Now me Erla Mëhillin” me zv. ministren e Turizmit, Vilma Bellon, sa i takon mikpritjes së veriut dhe jugut.

Sipas tij, Shqipëria ka nevojë për një turizëm që mbi të gjitha të jetë mikpritës dhe këtë veriu e ofron kryesisht.

Ndërkohë, Bello i tha se të krahasonte shqiptarët e veriut dhe jugut për mikpritje ishte një diskutim që nuk kishte vend.

“Të them diçka nëse do të ma mirëkuptoni të lutem. Ne e kemi turizmin mikpritës sepse është një nga karakteristikat e para të cilën na e cilësojnë të parën turistët, mikpritje, ushqim dhe pasuri natyrore. Nëse ma mirëkupton se unë veriorët i dua fort, por po ta them se mu duk sikur doje të bëjë një diskurs për të dalluar veriun nga jugu, nuk e pranoj këtë gjë,” – u shpreh Bello.

LEXONI GJITHASHTU:

• Taksë për vizitorët, qyteti i Venecias nismë të re për të kontrolluar turizmin
• “Rama mori sëpatën mes Tiranës, e dinim të çmendur”, aktivisti: Si e ngriti turizmin