“7% më shtrenjtë se mesatarja e vendeve të BE”, Berisha: Çmimet të papërballueshme

Ish-kryeministri Sali Berisha deklaroi se çmimet në Shqipëri sot janë 7% më të larta se mesatarja e vendeve të Bashkimit Euopian.

Ai tha se ushqimet janë më shtrenjtë se në Itali apo Greqi, ndërsa i krahasoi me çmimet në Gjermani.

“Rritja e çmimit të ushqimeve, sipas statistikave zyrtare, është 11.5 për qind, sipas statistikave reale është 13.5 për qind dhe kjo godet në mënyrën më të egër pensionistët, të papunët dhe familjet me ndihmë ekonomike. Këto çmime, e bëjnë Shqipërinë një vend të pajetueshëm, e bëjnë jetën në Shqipëri të papërballueshme,” – u shpreh Berisha.

Ai komentoi gjithashtu vendimin e qeverisë për të sjellë ligjin për indeksimin e pensioneve në parlament. Sipas tij masa 8 për qind është absolutisht një hipokrizi në sensin që nuk indekson as inflacionin.

“Kjo përqindje është 3 për qind më e ulët sesa vlera zyrtare e inflacionit dhe 5.5 përqind e ulët sesa vlera reale e inflacionit,” – u shpreh Berisha.

LEXONI GJITHASHTU:

• Hebovija: Çmimet e apartamenteve do të rriten me 150-300 euro për m2 në Tiranë
• Rritja e çmimeve të referencës, Nela: Goditen të gjithë aktorët, do bien shitjet