Arrestohet personi që plagosi efektivin e Shqiponjave/ Balla përgëzon policinë

Ministri i Brendshëm Taulant Balla ka përgëzuar policinë e shtetit për kapjen dhe arrestimin e Klered Bozhanaj, 42-vjeçarin i cili tentoi të vrasë me armë zjarri punonjësin e Policisë, inspektorin Edlir Alleshin.

600 forca policie kanë qenë të angazhuara për arrestimin e 42-vjeçarit, i cili ishte në kërkim që prej pasdites së të mërkurës.

Balla shkruan se është koha që të gjithë ta kuptojnë “se kush nuk i bindet ligjit do të përballet me zero tolerancë”.

“Përgëzoj Policinë e Shtetit për arrestimin e autorit të plagosjes së efektivit të shqiponjave mbrëmjen e djeshme në Tiranë.

Është momenti të kujtoj se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë ZERO.

Do bëj gjithçka që një politikë/praktikë e re penale të zërë vend në këtë drejtim, duke kërkuar mbështetjen e sistemit të drejtësisë. Kuadri ligjor është aty në Kodin Penal (me ndryshimet që kam mbështetur vetë në Kuvend në vitin 2019) dhe në ligjin për Policinë Shtetit”.

LEXONI GJITHASHTU:

• Spahiu: Ja pse Presidenti SHBA Biden refuzoi takimin me Albin Kurtin
• Rusia godet qytetet nga lindja në perëndim të Ukrainës, 2 të vdekur