Vuçiç sulmon Perëndimin në OKB, akuzon Kurtin për dhunën në Veri

Presidenti i Serbisë, Aleksandar Vuçiç, i ka akuzuar vendet e Perëndimit se kanë “shkelur brutalisht” Kartën e Kombeve të Bashkuara dhe Rezolutën 12 44, duke e njohur pavarësinë e Kosovës dhe duke “i mohuar të gjitha parimet që sot po i mbrojnë”. Vuçiç ka hequr paralele edhe me rastin e Ukrainës duke thënë se Perëndimi sot këkron ruajtjen e tërësië territoriale të vendit por këtë nuk e bën me Serbinë duke iu referuar Kosovës si pjesë të saj.

“Përpjekja për ta copëtuar vendin tim, që kishte filluar zyrtarisht në vitin 2008 me shpalljen e njëanshme të pavarësisë së të ashtuquajturës Kosovë, nuk ka përfunduar ende. Pikërisht shkelja e Kartës së OKB-së në rastin e Serbisë ishte një nga pararendësit e dukshëm të problemeve të shumta me të cilat po përballemi të gjithë sot dhe që shkojnë shumë përtej kufijve të vendit tim dhe shtrirjes së rajonit nga vij.

Këtu, në këtë sallë, vetëm dy ditë më parë, nga Presidenti i Shteteve të Bashkuara mund të dëgjonim parimin më të rëndësishëm në marrëdhëniet midis vendeve, respektimin e integritetit territorial dhe sovranitetit të tyre, dhe vetëm si faktori i tretë më i rëndësishëm, ai përmendi të drejtat e njeriut. Problemi i vetëm në gjithë këtë ishte fakti se disa orë pas fjalimit të tij më duhej të shihja, në këto ambiente, presidenten e të ashtuquajturës “Kosovë”, e cili konsiderohet nga pjesa më e fuqishme e Perëndimit si presidente e një shtet i pavarur, e cili ka origjinën, meqë ra fjala, nga shkëputja e territorit të Republikës së Serbisë.

Në të njëjtën kohë, vetëm pak metra larg kësaj salle, ministri gjerman tha se Gjermania ka respektuar me vendosmëri Kartën e OKB-së  por për herë të parë, të paprecedentë në historinë botërore, 19 vendet më të fuqishme morën vendimin, pa përfshirjen e Këshillit të Sigurimit të OKB-së, e përsëris, pa asnjë vendim të Këshillit të Sigurimit të OKB-së, për të sulmuar dhe dënuar brutalisht një vend sovran në tokën evropiane, siç kishin thënë, për të parandaluar fatkeqësinë humanitare.

Serbia nuk kishte shkelur në territorin e ndonjë shteti tjetër dhe as nuk e kishte rrezikuar ekzistencën e saj; por 24 vjet më parë, 19 më të fuqishmit dhe më të fortët nuk kishin mëshirë me Serbinë e vogël. Edhe kur e kishin mbaruar këtë punë, punë, thanë se çështja e Kosovës është çështje demokratike dhe se do të zgjidhet në përputhje me Kartën e OKB-së dhe dokumentet tjera të së drejtës ndërkombëtare. Dhe pastaj, në kundërshtim me të gjitha, por absolutisht të gjitha dokumentet e së drejtës publike ndërkombëtare, atyre në vitin 2008 u shkoi mendja të mbështesin pavarësinë e Kosovës”, tha mes të tjerash Vuçiç.

Gjatë fjalimit, Vuçiç  akuzoi drejtpërdrejt kryeministrin e Kosovës, Albin Kurti, për rritje të dhunës me motive etnike kundër serbëve dhe se ai nuk e dëshiron dialogun.

“Sot në Kosovë, në krahinën jugore të Republikës së Serbisë, po zhvillohet dhuna e hapur e ushtruar ndaj serbëve nga autoritetet separatiste të Albin Kurtit.

Vetëm javën e kaluar, kushedi se cili raund i dështuar i dialogut në Bruksel, kryeministri i Prishtinës, Albin Kurti, pasi hodhi poshtë propozimin evropian për deeskalim, iu drejtua publikut para një prej ndërtesave kryesore të Bashkimit Evropian dhe në para miliona shikuesve të mediave që ishin të pranishëm, u përcollën jo aq shumë serbëve të mbetur në Kosovë dhe Metohi sa që serbët, citoj, “të vuajnë dhe të paguajnë për gabimin që kanë bërë”. A ka ndonjë tallëse më të keqe të njerëzimit, të rendit ndërkombëtar të bazuar në rregullat dhe komunitetin ndërkombëtar, sesa këto fjalë?

Shpesh na duket se diskutimi me qeverinë e Prishtinës është më shumë si monolog se sa dialog, sepse është e vështirë të shpjegohet pse pas më shumë se 10 vitesh pas nënshkrimit të Marrëveshjes së Brukselit dhe obligimeve të marra, Komuniteti i Komunave me Shumicë Serbe ka nuk është formuar.

Republika e Serbisë, Qeveria e saj dhe të gjitha institucionet po punojnë me kapacitet të plotë për ruajtjen e dialogut me Prishtinën, nën patronazhin e BE-së.

Është detyra jonë.

Dialogu është i mundur vetëm në rast se të gjithë ne, përfshirë edhe lehtësuesit evropianë, i përmbahemi me vendosmëri asaj që është rënë dakord.

Mosbalancimi me të cilin Serbia duhet të bëjë lëshime gjatë gjithë kohës nuk po çon drejt zgjidhjes. Ne te kunderten.

Duke besuar se dialogu është mënyra e vetme për gjetjen e zgjidhjes së kompromisit, Serbia mbetet e përkushtuar ndaj këtij procesi me qëllim të sigurimit të bashkëjetesës paqësore të serbëve dhe shqiptarëve. Paqja dhe stabiliteti i rajonit nuk kanë alternativë. Me këtë besim ne i qasemi të gjitha diskutimeve të lehtësuara nga BE-ja”, tha Vuçiç.

LEXONI GJITHASHTU: 

• Presidentja e Kosovës takohet me zëvendëskëshilltarin amerikan për Siguri Kombëtare
• Osmani: Bideni dha garanci për mbështetje të vazhdueshme për Kosovën