Lëvizte me 50 kilogram kanabis në makinë, arrestohet një person në Pogradec

Drejtoria vendore e policisë Korçë ka arrestuar mbrëmjen e djeshme një shtetas me drogë. Sipas informacioneve bëhet me dije se i arrestuari u kap në Pogradec, ku gjatë kontrollit në mjetin e tij iu gjetën rreth 50 kg kanabis

Dyshohet se shtetasi me iniciale K.K ka qenë gati për ta trafikuar drogën, fillimisht drejt Maqedonisë e më pas drejt Greqisë.

Arrestimi i tij u bë me metoda speciale me procedim, dhe për shkak hetimi emri nuk bëhet i ditur nga policia, ndërsa vijojnë hetimet pasi mund të ketë edhe persona të tjerë të përfshirë.

Njoftimi i policisë:

Në bazë të informacioneve të siguruara nga inteligjenca informative se shtetasi i mësipërm do të trafikonte me automjetin e tij një sasi droge, forcat e Policisë organizuan punën dhe bënë lokalizimin e 45-vjeçarit në fshatin Vërdovë. Gjatë kontrollit të ushtruar në automjetin e tij tip “Benz”, të cilin e kishte parkuar në oborrin e banesës, u gjetën 2 qese me 52.6 kg lëndë të dyshuar narkotike kanabis në total.

Nga veprimet hetimore rezultoi se 45-vjeçari e kishte siguruar lëndën narkotike nga shtetas të tjerë dhe më pas do ta trafikonte me automjetin e tij, në drejtim të Maqedonisë së Veriut, me destinacion final shtetin grek, kundrejt fitimit 500 euro/kg.

Në cilësinë e provës materiale u sekuestruan lënda narkotike, automjeti dhe një aparat celular.

Në bashkëpunim me Prokurorinë, po vijojnë hetimet për dokumentimin e plotë të këtij rasti dhe për vënien përpara përgjegjësisë ligjore të shtetasve të tjerë të implikuar në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• U vra në Veri, Afrim Bunjakut i vdiq djali para 10 vitesh, çfarë deklaronte polici
• Gjermania do të forcojë kontrollet kufitare me Poloninë dhe Çekinë