Masa më strikte anti-COVID në Greqi, autoritetet kërkojnë izolim nga ora 18:00

Mes shqetësimit në rritje për shkak të pandemisë, ekspertët e shëndetit në Greqi këshillojnë qeverinë të përforcojë masat kufizuese në rajonin e Atikës.

Kryeqyteti grek Athina ka raportuar së fundmi rritje të të infektuarve me COVID-19.

Këto kufizime mund të përfshijnë një shtetrrethim më të ashpër që ndalon qarkullimin nga ora 18:00, ndërsa aktualisht izolimi nis në orën 21:00.

Rihapja e shkollave të mesme mund të shtyhet përtej 1 shkurtit.

Një ditë më parë, kryeministri Mitostakis la të kuptohet se qeveria nuk do të presë që situata të përkeqësohet përpara se të reagojë në mënyrë “dinamike”, duke theksuar se aktivitetet rihapen kur rastet ulen dhe kufizohen kur trendi i të infektuarve rritet.

Lexoni gjithashtu: 

Greqia mbyll 60 shkolla për shkak të situatës nga COVID-19, prindërit të shqetësuar