Deputeti serb: Dënoj vrasjen e policit të Kosovës

Djordje Miketiç, deputeti serb i partisë “Zajedno”, në një intervistë për Euronews Albania dënoi vrasjen e policit Afrim Bunjaku nga një sulm i terroristëve serbë në veri të Kosovës.

Ai tha se është e nevojshme të bëhet një hetim i plotë për atë çfarë ndodhi në Banjskë, në një kohë që ende nuk ka një informacion të saktë se sa serbë janë vrarë, sa janë plagosur dhe sa janë dorëzuar.

“Çdo gjë që ndodhi të dielën ishte e tmerrshme. Unë e dënoj fort vrasjen e në polici dhe po ashtu përdorimi i tmerrshëm i dhunë nëse ka ndodhur duhet dënuar. Ne nuk e dimë sa njerëz janë vrarë dhe ne duhet të caktojmë sa serbë janë plagosur apo dorëzuar, kemi nevojë për një hetim për këtë çështje”, tha deputeti serb.

Ai tha se e kishte pyetur presidentin Vuçiç lidhur me informacionin se nënkryetari i listës serbe ishte mes sulmuesve të policisë së Kosovës, gjë që siç tha serbët kanë nevojë ta dinë.

LEXONI GJITHASHTU:

• Deklarata e fortë e deputetit serb: Vuçiç, sanksioni më i madh i Serbisë!
• Ish-ministri i Jashtëm: Rama po bën atë që do Vuçiç