Aktivisti: Nuk llogaritet dot sa ushqim shkon dëm në Shqipëri

Aktivisti Oltion Shena tha në një intervistë për “Good morning Albanians” në Euronews Albania se nuk llogaritet dot se sa ushqim shkon dëm në Shqipëri.

Ai tregoi se prodhuesit e shumicës janë të kujdesshëm të mos kenë shumë humbje dhe ja dalin të kenë humbje të vogla.

“Pakica në lagjet tona, ata që shesin sidomos fruta e perime, gjithmonë ka një sasi të madhe që e humbasin për shkak se ata duhet ta kenë mallin aty për të gjithë sepse ti shkon njëherë dhe nëse nuk e gjen nuk shkon për herë të dytë, pra dashur pa dashur ka teprica,” – u shpreh Shena.

Sipas tij në shpërdorimin e ushqimit dhe formën si kujdesemi për të ndikon edhe ndryshimi mes brezave. Ai kujtoi se më parë nuk ka pasur frigoriferë dhe sërish njerëzit gjenin mënyrën e i ruanin nëpër qilarë.

LEXONI GJITHASHTU:

• Sa ushqim shpërdorohet në Shqipëri?
• Po hante bukë me bashkëshortin, gruaja në Greqi mbytet nga ushqimi