Selanik, sekuestrohen mbi 585 kg kokainë, arrestohet familja shqiptare

Policia greke në bashkëpunim me DEA Amerikane, kanë goditur një grup kriminal të përbërë nga një familje shqiptare dhe kanë sekuestruar 585 kg dhe 208 gram kokainë, të ndarë në 500 pako.

Policia greke ka tentuar të ndalojë dy automjete në zonën e Agia Triada dhe Neo Epivaton. Një nga automjetet ka ndaluar, ndërsa tjetri ka tentuar të largohet duke u përplasur me një makinë policie dhe më pas me gardhin e një ndërtese, pa pasur dëme në njerëz. Të dyja mjetet rezultojnë të marra me qira.

Brenda dy mjeteve dhe në një banesë, u sekuestruan 500 pako me 585 kg e 208 gram kokainë, 7440 euro, 7 celularë, detektor metalik dhe objekte të tjera. Është arrestuar kreu i grupit, një shtetas shqiptar 50 vjeç, i cili trafikonte kokainë nga Amerika Latine për shpërndarje në Greqi dhe Europë. Është arrestuar bashkëshortja e tij, 42 vjeçe dhe dy nipat e tij 33 dhe 21 vjeç si dhe një grek 35 vjeç.

50-vjeçari i cili ka lindur në Shqipëri por ka dhe dokumente greke, është person pa precedentë në Greqi.

LEXONI GJITHASHTU:

• Shqiptari i “Kartelit ballkanik” arrestohet në Valencia, ku priste 1.7 tonë kokainë
• Rreziku nga pijet energjike/ Toksikologia: Varësia e njëjtë si ajo e kokainës