Kafsha e rrallë që mbrohet me ligj vendoset në vitrinën e lokalit në Elbasan

Në Shqipëri jetojnë sot mbi 55 mijë kafshë të egra, por nga ky numër vetëm 0.002 për qind zë rreqebulli, një kafshë që është vënë veçanërisht nën mbrojtën e shtetit për shkak se është fare pranë zhdukjes.

Kafsha rritet vetën në disa ekzemplarë edhe në vendet e tjera të Ballkanit dhe ka tërhequr vëmendjen e organizatave që punojnë për mbrojtjen e kafshëve të egra.

Por në Elbasan, pronari i një lokali ka të ekspozuar në mjediset e tij, mes kafshëve të tjera edhe një rrëqebull të balsamosur.

Organizata për Mbrojtjen e Mjedisit Natyral në Shqipëri e ka identifikuar këtë rast dhe ka dërguar një padi në prokurori.

Përfaqësuesi i kësaj organizate, Gentian Rumano, tha se edhe pse rrëqebulli është i mbrojtur me ligj dhe klasifikohet në listën e kafshëve më të rrezikuara në Shqipëri, persona të tillë tregohen të papërgjegjshëm dhe veprojnë në kundërshtim të hapur me ligjet në fuqi.

“Është sinqerisht për të ardhur shumë keq që ndodhin fenomene të tilla siç është vrasja e rrëqebullit, e cila është kafshë tepër e rrallë në vendin tonë dhe është në mbrojtje sipas ligjet për mbrojtjen e faunës së egër, në ligjin për gjuetinë, urdhrave të dalë nga organet ligj-zbatuese etj. Ai klasifikohet gjithashtu në listën e kuqe të Shqipërisë me status CR, që është statusi më i rëndë sa i takon rrezikimit të kafshëve në Shqipëri”, tha ai.