Mjekja: Sëmundjet tumorale po shfaqen gjithnjë e më shumë te moshat e reja

Këtë fillim tetori, mjekja onkologe, Kleida Mati ka folur në një intervistë për Euroneës Albania, mbi kancerin e gjirit në kuadër të muajit rozë.

Ajo u shpreh se jo vetëm kanceri i gjirit, por të gjitha sëmundjet tumorale sa vijnë e po diagnostikohen më tepër te moshat e reja.

Sipas saj në këtë ndikon stili i jetës apo shtimi i faktorëve të riskut te të rinjtë. Mjekja bëri thirrje që të bëhet gjithçka është e mundur për të parandaluar.

“Ne më shumë se kushdo vend tjetër në botë duhet t’i kushtojmë rëndësinë e duhur parandalimit dhe diagnostikimit në kohë. Duke qenë se nuk jemi në gjendje për të ofruar këto terapitë e jashtëzakonshme dhe inovative që zbulohen çdo vit dhe unë mendoj që nuk do të jemi në gjendje për t’i ofruar edhe për shumë vite, ajo që mund të bëjmë është pak edhe përgjegjësia jonë individuale. Pra, nuk duhet të neglizhojmë asnjëherë simptomat që ne shohim në trupin tonë, duhet të jemi më të ndërgjegjësuar, më të edukuar mbi çfarë duhet të bëjmë ne vetë si individ për të parandaluar sëmundjet tumorale dhe për gratë sidomos që janë nga 40 vjeç e sipër, patjetër bërja e mamografisë,” – tha Mati.

LEXONI GJITHASHTU:

• Nis testimi i “pilulës vrasëse të kancerit” te njerëzit, asgjëson tumoret
• “Kanceri ka shumë kosto”, Pacientja: Mjerë ata që nuk kanë për ilaçe e kimioterapi