Rama takim me liderët e Europës, në fokus emigrimi i paligjshëm

Gjatë qëndrimit në Granada ku po merr pjesë në Samitin e Komunitetit Politik Europian, kryeministri Edi Rama ka zhvilluar një takim të përbashkët me liderët kryesorë të Europës.

Pjesëmarrës në takim ka qenë presidenti i Francës dhe presidentja e Komisionit Europian, si dhe kryeministrat e Mbretërisë së Bashkuar, Italisë dhe Holandës.

Takimi duket se ka qenë zyrtar dhe i programuar dhe fokusi ka qenë te emigrimi i paligjshëm, e konfirmuar kjo edhe nga kryeministri Rama. Edhe homologu i tij britanik Rishi Sunak ka theksuar se në fokus të bisedimit ka qenë lufta kundër grupeve që organizojnë kalimin e emigrantëve në vendin e tij.

E vetmja mungesë në tryezë është ajo e kancelarit gjerman, Olaf Scholz.

LEXONI GJITHASHTU:

• Rama nga Spanja: Bëmë maksimumin për Kosovën, nuk do mbajmë iso për çdo gjë
• Europa mblidhet në Spanjë, Rama: E rëndë që Serbia shpalli 3 ditë zie për sulmuesit