Të shtëna me armë në Kurbin, qëllohet me breshëri në banesën e Skënder Likës

Këtë të premte ka pasur të shtëna me armë zjarri në Sanxhak të Kurbinit. Drejt banesës së Skënder Likës është gjuajtur me breshëri plumbash.

Pak muaj më parë këtij të fundit iu vendos dhe lëndë plasëse.

Nuk dihet ende nëse ka të lënduar, ndërsa pritet një njoftim zyrtar nga policia.

Skënder Lika është xhaxhai i Ilir Likajt (Xhepajt), i arrestuar për vrasjen e dy biznesmenëve në një hotel në Mamurras, përkatësisht të shtetasve Paulin Gjergji dhe Bujar Lika (ky i fundit pa lidhje farefisnore me autorin e vrasjeve).

Xhepaj dyshohet se bashkë me Eduart Lamajn të arrestuar në Tiranë si edhe dy persona të tjerë ekzekutuan më datë 30 maj dy biznesmenët. Gjithashtu, Skënder Lika është vëllai i Myslim Likës, i plagosur në një atentat në Mamurras.

LEXONI GJITHASHTU:

• Të shtëna me armë zjarri në një qendër tregtare në Tajlandë, lëndohen disa persona
• Të shtëna vdekjeprurëse në Roterdam