DOKUMENTI/ Kallëzimi penal i familjes së 3-vjeçarit ndaj mjekut Roland Xhaxho

Euronews Albania, ka siguruar procesverbali që familja e 3-vjeçarit që humbi jetën pas ndërhyrjes në dhëmbë, e ka dërguar në Prokurorinë pranë Gjykatës së Shkallës së Parë, që shpjegon disa detaje.

Në kallëzimin që është bërë nga i ati i 3-vjeçarit Bledar Spahiu, thuhet se familja kanë rënë dakord që të paguanin shumë e lekëve rreth 300 euro dhe 103 mijë lekë të reja në spitalin privat, ndërsa mjeku Roland Xhaxho dhe stomatologia Ina Xhaxho iu kanë garantuar se fëmija nuk do të ketë asnjë problem pas daljes nga salla.

Sipas kallëzimit ndërhyrja që i është bërë të miturit ka zgjatur rreth 3 orë.

Edhe pse kishin kaluar tre orë nga dalja nga operacionit, të miturit nuk i kishte dalë narkoza ndërsa mjeku u ka thënë prindërve se situata është normale dhe stabile.

Më tej ai ka shpjeguar të gjithë ngjarjen ndërsa kërkon që të merren masa dhe të hetohet ngjarja.