E rëndë në Korçë|14-vjeçari shkon në spital me fraktura të shumta në kokë

Një 14-vjeçar nga Korça ka mbërritur në spitalin rajonal të Korçës me fraktura të rënda në kafkë.

Mësohet se i mituri është konfliktuar me persona të tjerë, të cilët e kanë goditur me sende të forta në kokë duke e dëmtuar rëndë.

Burime nga spitali bëjnë me dije se 14-vjeçari ndodhet në reaminacion dhe pritet të dërgohet drejt kryeqytetit për mjekim të specializuar. Policia e konfirmon rastin.

Njoftimi i policisë

Mbrëmjen e sotme, në lagjen nr. 12, Korçë, gjatë një konflikti të çastit dyshohet me bashkëmoshatarë të tjerë, është dëmtuar në kokë me mjete të forta, një 14-vjeçar, i cili aktualisht po merr mjekim në spitalin e Korçës.

Në ambientet e Komisariatit ndodhen të shoqëruar disa persona të cilët po merren në pyetje.

Grupi hetimor po punon për sqarimin e plotë të rrethanave të ngjarjes.

LEXONI GJITHASHTU:

• Kërkuan largimin nga Izraeli, mbërrijnë në vend 40 shqiptarët e parë
• Sveçla: Bashkëpunëtori i afërt i djalit të Vuçiçit, pjesëmarrës në sulmin në Banjskë