U ofronin qytetarëve favore seksuale dhe përfituan 30 mijë €, procedohen të miturit

Tre persona janë proceduar penalisht pasi, përvetësuan shuma të ndryshme parash, nëpërmjet mashtrimit kompjuterik, duke hapur llogari me të dhëna false në rrjete sociale,

Policia bën me dije se tre shtetasit e mitur të moshave 16 dhe 17 vjeç kanë përvetësuar shumën rreth 30 000 euro.

Si funksionoi mashtrimi

Tre autorët, krijonin llogari me të dhëna të falsifikuara të shtetaseve të ndryshme, dhe me anë të postimeve në këto profile, premtoheshin favore seksuale kundrejt pagesave të ndryshme.

Administratorët e këtyre profileve, kërkonin nga të interesuarit që pagesa të kryhej në disa vendndodhje të përcaktuara prej tyre, i merrnin paratë pasi i orientonin të interesuarit për vendet ku duhej të lihej pagesa dhe më pas largoheshin duke i bllokuar personat në llogaritë e tyre, në rrjetet sociale ku komunikonin.

DVP Tiranë fton qytetarët që nqs do të konstatojnë profile të tilla nëpër rrjete sociale, të paraqiten në Sektorin për Hetimin e Krimeve Kibernetike, në DVP Tiranë.

LEXONI GJITHASHTU: 

• Konkurrentja e Pakistanit në Miss Universe ngre “në këmbë” shtetin
• Mjeku shqiptar Gjermani që ka kryer 53 transplante në zemër