Fundoset anija, mbyten tre emigrantë në ishullin grek të Simit 

Autoritetet greke gjetën trupat e tre emigrantëve pasi anija e tyre u përmbys mëngjesin e së hënës pranë ishullit Simi, në juglindje të Detit Egje.

Një grua dhe shtatë burra u shpëtuan, ndërsa autoritetet vazhduan të kërkojnë për dy persona që besohej se kishin arritur në ishull, tha një zyrtar i rojës bregdetare greke.

Rreth 13 emigrantë ishin në bord, sipas përllogaritjes.

Greqia është një nga vendet e Bashkimit Evropian përmes të cilit emigrantët më së shumti tentojnë të hyjnë në BE, duke ikur nga varfëria dhe konfliktet në Lindjen e Mesme, Afrikë dhe Azi.

Rreth 32.800 persona kanë mbërritur vetëm këtë vit në Greqi, sipas të dhënave të UNHCR-së, nga të cilët 27.000 kanë mbërritur nga deti.

LEXONI GJITHASHTU:

• Eksperti: Luftanijet amerikane po dislokohen ne Mesdhe
• Të shtëna në Greqi, dy shqiptarë gjuajnë me armë pas një sherri, i dhunojnë grekët