Katari: Kemi riatdhesuar katër fëmijë ukrainas të marrë nga Rusia

Fëmijët në zonat e pushtuara nga Rusia të Ukrainës janë hequr në mënyra të ndryshme ose janë detyruar të ndjekin mësimet e shkollës në rusisht. Katari tha këtë të hënë se ribashkoi me familjet e tyre në Ukrainë katër fëmijë ukrainas që ishin në territorin rus pasi u kapën nga autoritetet e Moskës pas pushtimit në shkurt 2022.

“Katari njoftoi përfundimin me sukses të një operacioni për të ribashkuar një numër fëmijësh ukrainas me familjet e tyre”, tha në një deklaratë ministria e jashtme në Doha.

Ai tha se shpresonte se operacioni do të shënonte “fillimin” e një procesi për riatdhesimin e më shumë fëmijëve në Ukrainë.

Ministria shpjegoi se javën e kaluar kishte mbledhur fëmijët dhe familjet e tyre në ambasadën e Katarit në Moskë, përpara se t’i “transportonte në destinacionin e tyre përfundimtar” në Ukrainë.

Një burim diplomatik i Katarit i afërt me rastin tha se katër fëmijë mundën të arrinin në Ukrainë të hënën, duke e përshkruar operacionin si një “përparim” dhe një “gjest vullneti të mirë” nga ana e Rusisë.

Nga ana e saj, Ministria e Jashtme e Katarit tha se “suksesi i operacionit dëshmon për kredinë që Katari gëzon me palët e ndryshme (në konflikt) dhe kërkimin e tij të vazhdueshëm për paqe dhe stabilitet në rajon dhe në botë”.

Kievi ka akuzuar Moskën për deportimin e “dhjetëra mijëra” fëmijëve ukrainas të cilët janë “rrëmbyer” në territoret e okupuara të Ukrainës.

Gjykata Ndërkombëtare Penale ka lëshuar një urdhër-arresti për presidentin rus Vladimir Putin për “deportimin e paligjshëm” të mijëra fëmijëve ukrainas që nga shkurti i vitit 2022.

Moska i hedh poshtë këto akuza.

LEXONI GJITHASHTU:

• Vritet ‘truri’ i Hamasit, trupat izraelite marrin më shumë kohë për ofensivën
• Foto familjare e Samitit/ Rama surprizon liderët e BE me valle popullore