Foto familjare e Samitit/ Rama surprizon liderët e BE me valle popullore

Siç është tradita edhe në këtë samit të Procesit të Berlinit këtë të hënë në Tiranë u realizua fotoja familjare në të cilën ishin të pranishëm liderët nga BE dhe Ballkani Perëndimor.

Kryeministrja serbe, Ana Brnabiç nuk iu bashkua fotos. Kujtojmë që në ministerialin që u mbajt në Tiranë për t’i paraprirë samitit të Procesit të Berlinit, ministri i Jashtëm serb, Ivica Daçiç refuzoi të jetë pjesë e fotos familjare për shkak të flamurit të Kosovës në sfond.

Ndërkaq, pas realizimit të fotos familjare, liderët u afruan pranë valltarëve për të ndjekur nga afër performancat. Këtu u bashkua dhe Brnabiç.

Qeveria shqiptare kishte menduar të përshëndeste me vallet karakteristike të gjitha vendet e rajonit, ndërsa prezantonte liderët e BE me traditat e Ballkanit Perëndimor.

LEXONI GJITHASHTU:

• “Premtimet ekonomike nuk janë plotësuar”, Rama në Samitin e Procesit të Berlinit
• Ministri i Jashtëm britanik në Samitin e Procist të Berlinit, në fokus emigrantët