Spitalet në Gaza në kolaps, mjekët japin alarmin: Katastrofë nëse s’lejohen ndihmat

Përballë perspektivës së humbjes së ushqimeve, medikamenteve, ujit dhe elektricitetit, spitalet në Gaza deklarojnë se janë në prag të kolapsit. Pa qenë në gjendje të evakuonte pacientët, një mjek kirurg tha për agjencinë “Associated Press” se spitali i tij është i mbushur me njerëz që kërkojnë strehë.

“Janë me mijëra, në mos dhjetëra mijëra njerëzit që kanë kërkuar strehë në spital, në bodrume, por edhe në katet e tjera, duke qëndruar nëpër shkallë, korridore dhe mes shtretërve të pacientëve. Nëse nuk ka një korridor humanitar për të frymëzuar spitalet dhe për të evakuuar të plagosurit dhe nëse nuk ka një ndalim të bombardimeve, situata do të përfundojë në katastrofë”, ka deklaruar doktor Ghassan Abu Settah, nga organizata Mjekët pa Kufij.

Situata e vështirë po merr edhe jetët e punonjësve të shëndetësisë dhe drejtuesit e spitaleve deklarojnë se shumë anëtarë të stafeve kanë mbetur të vrarë.

E ndërsa bilanci i viktimave rëndohet, morgjet e Gazës kanë ezauruar hapësirën dhe furgonët e akulloreve janë përdorur për të vendosur përkohësisht të vdekurit.

LEXONI GJITHASHTU:

• Mbi 1 mijë njerëz mendohet se gjenden nën rrënojat e bombardimeve në Gaza
• Ushtria izraelite zbulon numrin e saktë të pengjeve në Gaza