“Dënojmë sulmet terroriste”, Presidenti francez tregon nëse do të shkojë në Izrael

Presidenti francez Emmanuel Macron në konferencën e përbashkët me kreun e qeverisë Edi Rama në Tiranë nënvizoi se do të bëjnë çdo gjë që të lirojnë shtetasit francez që janë marrë peng nga Hamas.

Në fjalën e tij, ai theksoi se Franca dënon sulmin terrorist të Hamas duke theksuar se po bëjnë negociata me zyrtarët palestinezë në mënyrë që të lirohen pengjet.

Ai nënvizoi se do të shkojë në Izrael sapo të ketë një marrëveshje konkrete, qoftë për mospërshkallëzim të luftës apo çështjeve humanitare.

” Franca është mobilizuar për të bërë gjithçka për lirimin e pengjeve nga Hamas. Kemi kontakte me autoritetet izraelite. Kemi kontakte me shumë miq të ndërmjetëm me Hamas për të arritur çlirimin e pengjeve. Franca ka dënuar gjithmonë këto praktika. Marrja e civilëve peng është e papranueshme. Po bëjmë çdo gjë për lirimin e tyre. Dua të tregohem i kujdesshëm për shkak të negociatave që jemi.

Kam pasur rastin të bisedoj me kryeministrin e izraelit që në fillim, me presidentin palestinez dhe me të gjithë drejtuesi e zonës. Kam shprehur mbështetjen në mënyrë që Izraeli të mbrohet. Ne qëndrojmë vigjilentë e të angazhuar. Unë do të shkojë në këtë rajon sapo të vlerësojë se kemi një agjendë të dobishme dhe veprime shumë konkrete për të vazhduar atje. Do të vazhdojë diskutimet, por vullneti është se do të shkojë atje kur të kemi një marrëveshje konkrete, qoftë për mospërshkallëzimin qoftë për çështjet humanitare. Lufta kundër grupeve terroriste, procesi i paqes dhe zgjidhjes politike janë të pandashme. Këtë agjendë do të duhet  të synojmë”-tha ai.

LEXONI GJITHASHTU: 

• Macron nga Tirana: 600 mln euro mbështetje për projekte në Shqipëri
• Bombardime në jug të Gazës, Izraeli urdhëron mbi 1 mln palestinezë që të evakuohen