Fabrikë e re fasoni në Kombinat, Balluku: Në krah të investitorëve që krijojnë vende pune

Rritja e pagës minimale do të ndihmojë në stabilizimin e punonjësve në sektorin fason. Kështu deklaroi ministrja e Infrastrukturës dhe Energjisë Belinda Balluku gjatë një takimi në zonën e Kombinatit në Tiranë të dielën ku vizitoi një fabrikë fasoni.

Ajo pa nga afër investimin që është bërë në një sipërmarrje të re, e cila i tregton produktet në Itali dhe ka 100 të punësuar, duke kontribuar në zbutjen e papunësisë në këtë zonë. Balluku theksoi se rritja e pagës minimale ka kontribuar në këtë sektor, pasi punonjësit nuk largohen, por impenjohen në përmirësimin e cilësisë.

“Rritja e pagës minimale ka sjellë një stabilitet të punonjësve. Punonjësit nuk largohen më siç zakonisht ndodhte duke krijuar një kosto. Kontratat janë shumë të rëndësishme dhe mbahen vetëm prej cilësisë së garantuar dhe për të dorëzuar gjithçka në kohën e duhur. Do të jemi në krah të çdo investitori, i cili krijon vende të reja pune,” – u shpreh Balluku.

Ministrja Balluku shtoi më tej se investime të tilla në sektorin fason ndikojnë në punësimin e grave, duke reduktuar kështu pabarazinë gjinore në punësim.