Familjarët e pengjeve në duart e Hamasit protestë para ambasadës gjermane në Izrael

Rreth 20 familjarë të shtetasve gjermanë që mbahen peng në Gaza u mblodhën jashtë ambasadës gjermane në Tel Aviv, kur kancelari Olaf Scholz mbërriti në Izrael.

Sikurse edhe liderëve të tjerë, Scholz i kërkohet që të përdorë gjithë pushtetin e tij për të siguruar lirimin e tyre.

Rikarda Luk njohu vajzën e saj në një video që qarkulloi online. Ajo tha se lajmi i fundit që mori ishte se vajza e saj kishte një plagë në kokë dhe se po mjekohej në Gaza.

“Shpresoj që vajza ime të tregohet e fortë që të rezistojë. Uroj që ajo të jetë mirë dhe që të mund ta lirojmë,” – tha nëna e Shani Louk.

Ndërkohë, e ëma e Maja Shem ka reaguar ndaj videos që militantët e Hamasit publikuan me të bijën.

“Nuk e dija nëse ajo ishte gjallë apo kishte vdekur deri dje. Dija vetëm që ajo ishte rrëmbyer. I lutem të gjithë botës që të ma kthjenë vajzën time. Ajo vetëm sa shkoi në një festival për t’u argëtuar, ndërsa tani është në Gaza,” – tregoi Keren Schem, nëna e Maya Schem.

Videoja me Maja Shem është e para që grupi militant ka publikuar lidhur me pengjet që po mban. Ushtria izraelite deklaroi të hënën se personat e rrëmbyer në Gaza ishin 199, më shumë nga përllogaritjet paraprake. Ndërsa Hamas njoftoi se ata ishin nga 200 në 250.

LEXONI GJITHASHTU:

• Departamenti i Thesarit sanksionon 10 anëtarë të Hamasit
• Netanjahu në takim me Biden: Bota të bashkohet kundër Hamasit, ta mposhtë si ISIS-in