Kikia-studentes së mjekësisë: Nuk frymëzoni, protestoni për standarde jo për të ikur

Gazetari Mentor Kikia u përplas me një studente të mjekësisë e cila proteston njësoj si shumica për të rrëzuar ligjin që do t’i mbajë në Shqipëri 5 vite pas përfundimit të studimeve.

Sipas gazetarit kjo protestë nuk është frymëzuese.

“Unë do të doja që këta të rinj sot të protestonin që në fakultet nuk është standardi i mirë i mësimdhënies dhe unë nuk dal profesionalisht mjek i mirë, në QSUT nuk na lejojnë të bëjmë praktikat, pra mund të protestosh për 1 mijë arsye, mund të protestosh edhe vetëm për ta rrëzuar këtë qeveri se është e korruptuar, por në thelb protesta duhet të prodhonte frymëzim te njerëzit e tjerë që janë në këtë vend. Nuk e ka bërë, padyshim që jo, sepse kur unë dëgjoj që këta njerëz kanë dalë në rrugë  dhe protestojnë që të mos i mbajnë peng se duan të ikin kjo nuk frymëzon, përkundrazi kjo demoralizon,” – u shpreh Kikia.

LEXONI GJITHASHTU:

• Mentor Kikia zbulon skemën: Paraja e ngrirë në Tiranë që s’po kontrollohet dot
• “Si të mjekojmë kështu”, studentët në protestë, vendosin prangat para Ministrisë