Tentuan ta rrëmbejnë 7 persona të armatosur, detaje nga atentati në Shkozë

Një 21-vjeçar u sulmua mbrëmjen e të mërkurës dhe u godit me sende të forta ndërkohë që autorët tentuan ta rrëmbenin.

Mësohet se autorët e sulmit kanë qenë 7 persona të cilët ishin duke lëvizur me dy automjete. Të maskuar dhe të armatosur, ata i kanë zënë prit të riut, i cili ka qenë në makinë më një vajzë që po drejtonte mjetin.

Sulmi ka qenë i mirë organizuar, pasi dyshohet se autorët kanë vëzhguar lëvizjet e 21-vjeçarit i cili kishte vetëm 1 javë që ishte kthyer nga Anglia në Shqipëri.

Pas vëzhgimit të lëvizjeve në zonën e Shkozës autorët kanë ndaluar dhe i kanë bërë pritë.  Në vendin e ngjarjes është gjetur edhe një karikator arme me fishekë, por policia në njoftimin zyrtar tha që nuk ka pasur të shtëna me armë.

21-vjeçari Hysen Xhakolli është goditur me sende të forta dhe është tentuar të merret peng nga autorët e sulmit. Autorët janë larguar me dy automjetet.

Grupi hetimor ka emrat e personave të cilët janë autorë të atentatit, por ende nuk janë shpallur në kërkim nga policia.

Shkak i ngjarjes dyshohet se është bërë një konflikt i ndodhur rreth 1 vit e 4 muaj më parë. I riu pas dëmtimeve të rënda në kokë është transportuar drejt Traumës ku ka marrë ndihmë mjekësore.

LEXONI GJITHASHTU:

• Presidenti kroat Milanoviç nderohet në Berat me titullin “Patron of castle”
• Sunak viziton Izraelin, do të takojë kryeministrin Netanyahu dhe presidentin Herzog