Ekspozita “Gruaja horizont”, gazetarja sjell gratë e sotme përballë tablove ikonike

Ekspozita me fotografi “Gruaja Horizont” u çel nw Galerinë e Artit për të nderuar figurën e gruas, arritjet dhe kontributet të tyre në shoqëri.

Ekspozita u kurua nga gazetarja Jetona Koçibelli, e cila nëpërmjet fotografisë risjell vëmendjen tek gruaja, me vepra arti të kushtuara figurës së gruas në periudhën e realizmit socialist dhe personazhe publikë të suksesshëm në sfera të ndryshme, dy epoka kanë një temë të përbashkët, rëndësinë e gruas në shoqëritë që ecin dhe evoluohen.

“Jam përpjekur të kem një simbiozë midis personazhit dhe vetë tablosë. Nga ana tjetër unë kam dashur të risjell vëmendjen tek këto tablo, pra tek ky art i këtij sistemi, arti i realizmit socialist, që wshtw shumë mirë i stilizuar në mënyrën se si e sjell gruan”, tha gazetarja.

Ekspozita me protagoniste si Valentina Leskaj, Rita Petro, Mimoza Ahmeti, Alda Bardhyli, Anila Hoxha, Arlinda Dudaj, Luiza Gega, Zhaklin Lekatari, Irma Libohova, Nevila Nika e shumë gra të tjera do të qëndrojë e hapur deri më datë 21 tetor për publikun.

LEXONI GJITHASHTU:

• Ekspozita e familjes Zorba në Muzeun e Dëshmisë dhe Kujtesës
• Java e Kulturës Italiane, çelet ekspozita ‘Mbi gjurmët e italianëve në rajon’