Kryeministri paralajmëroi masa të reja, kryetari i Bareve edhe Restoranteve: Do na bënte nder po të na mbyllte fare

Gjatë konferencës së sotme për situatën epidemiologjike në vend, kryeministri Edi Rama deklaroi se do të rrisë gjoba ndaj lokaleve, bareve dhe restoranteve, të cilat nuk respektojnë masat anti-COVID.

Kryetari i Bareve dhe Restoranteve, Enri Jahaj tha në një intervistë për Euronews Albania se kufizimet nën të cilat kjo kategori biznesi po punojnë prej një viti ka bërë që humbjet të jenë shumë të mëdha. Sipas tij vendosja e masave të tjera kufizuese ndaj tyre do të ishte njësoj sikur t’i mbyllnin fare.

“Problemi qëndron se mbyllja jonë është e pamundur për shkak të pagesave dhe detyrimeve, por një kufizim orari i detyrueshëm janë një tjetër shkelm ndaj nesh. Gjatë kësaj kohe të gjithë i kemi kufizuar vizitat nëpër bare dhe restorante, dhe kjo ka përgjysmuar edhe xhiron.

Baret dhe restorantet punojnë me kapacitete të reduktuar prej 1 viti”, tha z. Jahaj.

Sipas tij, nuk është e drejtë që vetëm baret dhe restorantet të shënjestrohen sa herë ka rritje të rasteve të COVID, duke i trajtuar si të vetmet vatra të virusit.

Lexoni gjithashtu:

Neglizhenca e masave, Rama paralajmëron rritjen e gjobave për baret, restorantet dhe qendrat tregtare