Juventus triumfon ndaj Milanit, Allegri: Synim ynë është të kthehemi në Champions

Një gol i Locatellit ka vendosur supersfidën Milan-Juventus, me bardhezinjtë të cilët regjistruan fitoren e 6-të në kampionat. Ndryshe nga ç’pritej, loja ishte e vakët e me raste të pakta shënimi, madje dhe goli i shënuar nga zonja e vjetër ishte një gjuajtje nga distance e devijuar nga Kruniç e përfundoi në rrjetë.

Në pjesën e parë, Milani pati një shanc të artë, por devijimi i Sheznit ishte vendimtar për të mbajtur të paprekur portën. Në përfundim të ndeshjes, trajneri Allegri vlerësoi të tijët, ndërsa i gëzohet kësaj fitore.

“Ndeshja ndaj Milanit ishte një sfidë e luajtur mirë në fazën e mbrojtjes, në të cilën ne mbetëm në epërsi falë një loje të mirë. Në fund topi duhej menaxhuar më mirë sepse arritëm të kontrollonim ndeshjen pa rrezikuar kundërsulme. Megjithatë fituam kundër Milanit pas shumë kohësh dhe jam i lumtur. Ne gjithmonë synojmë të kthehemi në Champions League. Inter, Milan dhe Napoli mbeten përpara”, tha Allegri.

Kampionati italian udhëhiqet nga Interi me 22 pikë, e më pas vijnë Milani, Juventusi, Fiorentina e Napoli.

LEXONI GJITHASHTU:

• Përmbysje e çmendur në “Elbasan Arena”, Teuta i “rrëmben” 3 pikë Dinamos
• Broja sërish i lënduar, shqetësimet në gju e lënë jashtë derbit