Kush është Klani i Novi Sadit? Eksperti: Kanë kryer krime të ndryshme në Serbi

Eksperti i sigurisë Bedri Elezi ishte këtë të hënë në një intervistë për Euronews Albania ku foli për klanin e Novi Sadit. Sipas tij ky klan është i njohur për  krime të ndryshme në Serbi.

Ai tha se nuk mund të thuhet me siguri nëse Milan Radoiçiç është pjesë e këtij klani por ai është një nga personat që ka pozita të larta në vendimet që kanë të bëjnë me Kosovën.

“Klani i Novi Sadit shquhet edhe për organizimin e krimeve të ndryshme në Serbi dhe është kryesisht më i orientuar te njerëzit, apo udhëheqje të ndryshme në Serbi, sidomos në strukturat e sigurisë dhe në agjencinë e zbulimit.

Nuk mund të themi nëse Radoiçiçiç është pjesë e këtij klani, por mund të themi se ai është një nga personat kryesor i Serbisë që merret me çështjen e aktiviteteve në Prishtinë, qoftë, politike apo të sigurisë dhe grupi i Zveçanit, është një klan i cili ndërlidhet me Radoiçiçin për shkak të pozitave të tyre të larta në vendimet apo në çështjet që kanë të bëjnë me Kosovën”,-tha eksperti Elezi.

LEXONI GJITHASHTU:

• “150 serbë po trajnohen për t’u futur në Kosovë”, Elezi: Do paguhen 5 mijë € në muaj
• Pas Basnjkës “Klani i Novisadit”, Ministria e Mbrojtjes serbe i përgjigjet Kurtit