Vendimi i Strasburgut për shkarkimin e Altina Xhoxhajt, reagon ambasadorja Kim

Ambasadorja amerikane Yuri Kim ka publikuar vendimin e Gjykatës Evropiane për të Drejtat e Njeriut, e cila e cilëson si të ligjshëm shkarkimin nga detyra të ish-anëtares së Gjykatës Kushtetuese, Altina Xhoxhaj nga sistemi i drejtësisë prej organeve të Vettingut.

“Vendimi i Gjykatës së Strasburgut: Çështja e Xhoxhaj kundër Shqipërisë – Procedurat e vetingut që sollën shkarkimin e anëtares së Gjykatës Kushtetuese ishin të drejta dhe shkarkimi proporcional”, shkruan ambasadorja në një postim në Twitter.

Gjykata e Strasburgut rrëzoi sot me shumicë votash padinë e ish-gjyqtares së Gjykatës Kushtetuese, Altina Xhoxhaj, e cila u shkarkua nga detyra gjatë procesit të Vetingut në vitin 2018.

Në vendimin e Gjykatës së Strasburgut theksohet se vendimi i Kolegjit të Posaçëm të Apelimit për ish-gjyqtaren është i drejtë.  

ECHR Judgment: Xhoxhaj v. Albania – Vetting proceedings leading to dismissal of Constitutional Court judge were fair and dismissal proportionate https://t.co/3zrQJXe43w

— Ambassador Yuri Kim (@USAmbAlbania) February 9, 2021

Lexoni gjithashtu:

Gjykata e Strasburgut rrëzon padinë e ish-gjyqtares Altina Xhoxhaj