SPAK arreston ish-drejtoreshën e Kadastrës në Durrës

Ish-drejtuesja e Kadastrës së Durrësit, Rajmomda Dashi, është ndaluar me urdhër të SPAK këtë të enjte.

Burime për Euronews Albania bëjnë me dije se ndaj saj është caktuar masa e arrestit në shtëpi për shkak se është nënë e një fëmije të vogël.

Ndërkohë që mësohet se janë lëshuar masa sigurie edhe për 3 persona të tjerë.

Hetimet janë kryer nga SPAK në bashkëpunim me autoritetet belge për pastrim të produkteve të veprës penale.

Dashi u caktua si drejtuese e komanduar e kadastrës në qytetin e Durrësit në vitin 2020, ndërkohë që ka mbajtur dhe detyra të tjera shtetërore.