Rama inspekton punimet e Lungomare 3, refuzon të komentojë Berishën

Kryeministri Edi Rama ishte të enjten në Vlorë për të inspektuar kantierin e ri Lungomare 3, i cili shtrihet në vijën bregdetare nga tuneli i Ujit të Ftohtë në Vlorë deri në Radhimë dhe Orikum.

“Në kantierin e ri Lungomare 3, i cili shtrihet në vijën bregdetare nga tuneli i Ujit të Ftohtë në Vlorë deri në Radhimë dhe Orikum, ku do të ndërhyhet për transformimin cilësor të plazheve, hapësirave publike, njësive të shërbimit, si edhe do të mbillen pemë e krijohen zona të mëdha këmbësore mbi gjurmën e rrugës ekzistuese, ku do të ketë edhe një rrugë biçikletash, ndërkohë që trafiku i automjeteve do të spostohet në një aks të ri, duke mundësuar një frymëmarrje krejt të re për Vlorën turistike 2030”, shkroi Rama në Facebook.

I pyetur nga gazetarët lidhur me vendimin e fundit të SPAK për Sali Berishën, Rama refuzoi të jepte një koment.

“Ku ka shtëpi pa problematika, rëndësi ka që t’i zgjidhim, hajt tani mirupafshim”, tha Rama.

LEXONI GJITHASHTU:

• Berisha: Protestat nuk do ndalen, çfarëdolloj mase të merret
• Bisha është plakur – Berisha komenton avokatin që i caktoi gjykata: E patë?!