“Bisha është plakur”- Berisha komenton avokatin që i caktoi gjykata: E patë?!

Ish-kryeministri Sali Berisha, teksa hynte në selinë e PD të enjten, deklaroi për mediat se nuk ka një njoftim për 2 avokatet e reja që i ka vendosur gjykata.

Berisha komentoi edhe avokatin kryesisht që iu caktua dje, Artan Simoni i cili u hoq brenda pak orësh për shkak të disa komenteve të tij në rrjetet sociale.

“E patë ju kush ishte? Fytyra e vërtetë e tyre. Nuk kam asnjë njoftim për avokatët e rinj. Por ai që ishte, ai ishte ekzemplari më i shkëlqyer për fytyrën e Edi Ramës”, tha Berisha.

Ditën e djeshme, menjëherë sapo gjykata caktoi Simonin si avokat kryesisht për Berishën pas largimit nga seanca të dy avokatëve të tij,  në rrjetet sociale nisi të qarkullonte një status i Simonit që mendohet se i referohet Berishës.

“Bisha është plakur, bisha është lodhur, bisha s’mundet më. Shumë prej atyre që dikur bisha mbante mbi kurriz, pas kurrizit kanë filluar ta çukasin. Ku gaboi bisha?!” – ishte statusi i Artan Simonit.

LEXONI GJITHASHTU:

• Berisha paraqet kërkesën për përjashtimin e gjyqtares, kush pritet ta shqyrtojë
• Shkëlzen Berisha reagon për avokatin e caktuar kryesisht: Sugjeroj më mirë Ballën