PD zotohet të shtojë mbështetjen për turizmin me programin e saj zgjedhor

Partia Demokratike prezantoi sot programin e saj elektoral për turizmin ku fokusi kryesor i saj ishte nxitja e mbështetjes së investimeve dhe rritjes së kapaciteteve akomoduese.

Gjatë fjalës së tij prezantuese, kryetari i PD-së Lulzim Basha tha se, opozita angazhohet për:

• të rritur kontributin e përgjithshëm të turizmit në Prodhimin e Brendshëm Bruto nga 8 në 10%;
• të dyfishuar kontributin në punësim nga truzimi nga 40 mijë në 80 mijë vende pune;
• të dyfishojë kapacitetet akomoduese;
• të rrisë numrin e turistëve të huaj me 15% në vit;
• të zgjasë kohëzgjatjen e sezonit turistik;
• lehtësira në aplikimet për leje ndërtimi për struktura akomoduese si hotele apo bujtina;

Opozita thotë se përmes planit të saj fiskal për uljen e taksave mbi karburantin dhe aplikimit të një takse të sheshtë 9% do të ndikojë pozitivisht për të rimëkëmbur turizmin.

Pas programit për ekonominë, arsimin dhe shëndetësinë ky ishte programi i katërt i paraqitur nga opozita për zgjedhjet parlamentare të 25 prillit.