Fitoi luftën me vdekjen: Kanceri i gjirit s’ka dhimbje, nuk të lajmëron

Ne muajin e luftës kundër tumorit te gjirit, gratë qe luftojnë me këtë sëmundje bëjnë thirrje për më shumë mbështetje.

Vjollca Vënxha, banore në qytetin e Korçës u vu përballe një sporve mjaft të rëndë, në luftën midis asaj dhe kancerit të gjirit.

“Kur shkova në banjë vura dorën dhe pashë diçka të fortë që me beri te dyshoj…më lindi dyshimi për kancer gjiri. Shkova në mjeku, kisha që në majin Tetor kisha bërë mamografine. Kur shkova në ambulance, doja mamografi të dytë por nuk pranuan. Isha e sigurte dhe kërkova ta bënin prap. Ju luta dhe ma bëri. Me pa dhe tha, diçka e shoh por mos u mërzit,” – tregoi ajo.

Pasi një kontrolli më të specializuar në Tiranë, doktorët kërkuan ndërhyrje të menjëhershme, pasi jeta e saj ishte ne rrezik. Në këtë sfidë, fati dukej se nuk ishte në anën e saj. Operacioni duhej bërë, por kostot ishte të papërballueshme për familjen e saj.

“Gjëja e parë që e pyeta ishin leket. Me tha 3 milion. I thashe se nuk kisha, merrja vetëm 150 mijë lek, vajza pa punë dhe burri pensionst. Leket nuk kisha ku i gjeja, i thashë se kur të gjej leket do bëj operacionin. Me goditi në sup, buzëqeshi, dhe tha se ja hodha gjysmën e sëmundjes me sportivitetin tim,” – u shpreh Vënxha.

Kurajo është ajo që çdo kush ka nevojë në këto momente. Po për Vjollcën, nuk kishte nevojë, madje ajo u kthye në kurajo për të tjetët.

“Nuk trembem asnjëherë. Jetën askush nuk e di sa e ka. Nuk e kemi të prerë me gërshërë, njeriu vjen dhe ikën. E ngre kokën lart dhe i them Zotit qe Faleminderit qe më jep ditë çdo ditë. Unë them Zoti me shëroi, por e guximi. Sportiviteti që nuk i dhashë frikë vetes, kur unë dëgjoja dikur fjalën kancer trembesha. Njerëzit e paragjykojnë por kur e pata në trupin tim nuk pata frikë fare,” – tha ajo.

Vjollca ka një thirrje për këdo që ndodhet në këtë situatë. Të mos tremben dhe të tregojnë sesa e fortë është një grua, një sëmundje nuk mund ta mposhtë atë.

LEXONI GJITHASHTU:

• Mjekja: Sëmundjet tumorale po shfaqen gjithnjë e më shumë te moshat e reja
• Nis testimi i “pilulës vrasëse të kancerit” te njerëzit, asgjëson tumoret