Ushtria izraelite refuzon të thotë nëse tanket kanë bllokuar rrugën kryesore në Gaza

Ushtria izraelite ka refuzuar të thotë saktësisht se ku janë forcat e tyre në Gaza – pas raportimeve në orën e fundit se tanket izraelite janë në periferi të qytetit të Gazës dhe kanë bllokuar një rrugë kyçe që shkon nga veriu në jug.

I pyetur nga gazetarët për raportet, zëdhënësi i Forcave të Mbrojtjes të Izraelit, Daniel Hagari tha se nuk do të jepte detaje, duke thënë se “siguria e forcave tona mbetet prioriteti ynë kryesor”.

“Ne kemi zgjeruar operacionet tona, duke përfshirë armaturën, këmbësorinë dhe veprimet sulmuese brenda Rripit të Gazës,” tha ai.

Hagari foli gjithashtu për të fundit mbi operacionin në përgjithësi duke thënë se ata do të dërgonin njësi shtesë në Gaza “duke përfshirë këmbësorë, tanke, njësi inxhinierike dhe forca artilerie” për të kryer sulme tokësore dhe ajrore.

LEXONI GJITHASHTU:

• VIDEO| Intensifikohen luftimet, tanket izraelite filmohen pranë qytetit të Gazës
• Eksperti Selmani: 1 në 3 të burgosur dalin në arkivol nga burgu i Idrizovës