De Niro paditet nga asistentja për abuzim verbal, rrezikon 12 mln dollarë

Roberto De Niro është paditur nga ish-asistentja e tij. Ish-punonjësja kërkon kompensim prej 12 milionë dollarësh për fyerje dhe diskriminim gjinor.

Aktori i njohur i Hollivudit është paditur nga asistentja e tij për abuzim verbal dhe komunikim të papërshtatshëm. Çështja ka shkuar në gjykatë dhe ylli i Hollivudit rrezikon të gjobitet më një shumë të madhe parash prej 12 milionë dollarësh.

Aktori 80-vjeçar u paraqit këtë javë në gjykatën e Manhatanit, për të dhënë variantin e tij lidhur me akuzat e ish-asistentes, Graham Chase Robinson. Aktori pranoi se kishte përdorur fjalor të ashpër ndaj punonjës së kompanisë së tij, por argumentoi se ajo shikonte Netfliks gjatë orarit të punës.

Gjithashtu, aktori pretendon se ish-asistentja e tij ka keqpërdorur kartën e kreditit të kompanisë duke abuzuar me pagesat. Pas dëshmisë së aktorit, avokatët e Robinson u kundërpërgjigjën duke shtuar në padi dhe kërkesën prej 12 milionë dollarë. Avokatët pretendojnë se ylli i Hollivudit ka diskriminuar punonjësen dhe ka përdorur fyerje të renda ndaj saj.