“Janë milici fashiste”, Braçe ngre tonet: Deputetët e PD po përdorin dhunë fizike

“Ky është fashizëm”, kështu tha deputeti Erion Braçe për aksionin e deputetëve të opozitës të cilët ende Kuvendi janë përplasur me deputetët e PS.

Para se të futej në sallën e parlamentit, Braçe tha për gazetarët se deputetët e opozitës janë shndërruar në njerëz të dhunshëm fisikisht, të cilët nuk e përdorin më forcën e argumentit.

“Ky nuk është aksion, kjo është një milici fashiste! Të hysh në sallat e komisioneve dhe të merresh me deputetin që ke përballë, jo me argument, por me duar, këtu kalojmë në fashizëm.

Një grusht deputetësh të shndërruar në njerëz të dhunshëm fizikisht, jo mendërisht, por fizikisht. këtu jemi në nivelin e milicisë fashiste”,-tha Erion Braçe.

Deputetët e PD-së nuk i kanë lënë të ulen deputetët e PS, gjë e cila ka sjellë dhe përplasje mes tyre, konkretisht mes deputetit socialist Toni Gogu dhe deputetëve Ervin Salianji dhe Sali Berisha.

LEXONI GJITHASHTU:

• “Shpallëm grevë të përkohshme”,Berisha: Miratimi i vendimeve sot, turp i mazhorancës
• Mbyllet seanca mes tymit e karrigeve të përmbysura, mazhoranca miraton projektligjet