Sputnik V, prodhim serb? Ministri serb i Inovacionit: Deri në fund të vitit prodhojmë vaksinën ruse

Deri në fund të vitit Serbia mund të ketë kapacitetin e duhur për të prodhuar brenda vendit vaksinën ruse Sputnik V.

Lajmi u bë me dije nga ministri serb për Inovacionin pasi një ekip ekspertësh rusë mbërritën në Beograd për të vlerësuar kapacitetet e vendit për të prodhuar vaksinën.

Ministri shtoi se vaksina nuk do të shpërndahej vetëm brenda Serbisë, por në të gjithë rajonin dhe madje edhe në Evropë.

Javën e kaluar, Presidenti serb Aleksandar Vuçiç, tha se vendi ballkanik do të investojë aq sa është e nevojshme për të filluar prodhimin vendas të vaksinës  ruse.

Sipas programit shtetëror të vaksinimit, serbët mund të zgjedhin të vaksinohen midis dozave të Pfizer, Sinopharm të Kinës dhe Sputnik V të Rusisë.

Serbia është një nga shtetet me procesin më të shpejtë të vaksinimit në kontinentin evropian.