Komisioni i Ekonomisë do të mblidhet online, opozita shtyn mbledhjen e grupit

Komisioni i Ekonomisë ka vendosur zhvillimin e mbledhjes online ditën e hënë.  Grupi Parlamentar i PD kishte planifikuar mbledhje në orën 09:00, por ka njoftuar se mbledhja e grupit do të shtyhet me një orë.

Ditën e hënë axhenda parlamentare është tepër e ngjeshur me mbledhje të Komisioneve, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë do të jetë projekt-buxheti i vitit 2024.

Deputetët e opozitës shprehen se nuk do të ketë normalitet parlamentar derisa të plotësohen 3 kërkesat e tyre. Ata kanë bllokuar punën e Komisioneve dhe normalitetin në seancë plenare.

Njoftimi i Komisionit të Ekonomisë:

“Në vijim të njoftimeve për zhvillimin e mbledhjes së Komisioni për Ekonominë dhe Financat për sa i përket shqyrtimit të projektligjeve të Paketës Fiskale. Ju bë me dije se mbledhja e komisionit, ditën e hënë, dat 6.11.2023, Ora 09:30, do të zhvillohet online në platformën Zoom. Link për aksesimin e mbledhjes do ju dërgohet në vijim.

Njoftimi i Kryetarit të Grupit Parlamemtar të PD

“Mbledhja e grupit e planifikuar për në orën 09:00, shtyhet për në orën 10:15. Lutem të jemi të gjithë në orën 10:15 në sallën e grupit pranë Kryesisë së Kuvendit. Ju përshëndes!”, thuhet në njoftimin e Gazment Bardhit drejtuar deputetëve të opozitës.

LEXONI GJITHASHTU:

• Deputetët e PD-së braktisin Komisionin e Ekonomisë: Nuk i pranojmë rregullat e PS-së
• “Kallëzim penal për Lindita Nikollën”, Bardhi: Lejoi gardën e armatosur në Parlament