“Kallëzim penal për Lindita Nikollën”, Bardhi: Lejoi gardën e armatosur në Parlament

Kryetari i grupit të Partisë Demokratike Gazment Bardhi tha pas mbledhjes së grupit parlamentar se do të dorëzojnë një kallëzim penal për kryeparlamentaren Lindita Nikolla.

Ky kallëzim sipas tij do të bëhet pasi kryeparlamentarja Nikolla lejoi të futeshin punonjës të gardës, të cilët ishin të armatosur.

“Shprehim indinjatën e thellë për sjelljen e sotme të kryetares së Kuvendit e cila lejoi në shkelje flagrante të ligjit futjen në sallë, pa pasur asnjë situatë, të punonjësve të gardës të cilët kanë qenë të armatosur.

Për këtë arsye me urgjencë grupi parlamentar i Partisë Demokratike do të depozitojë kallëzim penal për shpërdorim detyra ndaj kryetares së kuvendit e cila mendon se do të tremb ë opozitën me gardistë të armatosur.

Mendon se do e ndalojë opozitën të ngrejë zërin për të drejtat e veta duke përdorur institucionet ligj zbatuese të këtij vendi. Asnjë veprim i dëshpëruar i Edi Ramës dhe kukullës së tij në krye të vendit nuk do e ndalë opozitën të kërkojë të drejtat e veta minimale”,-tha Gazment Bardhi.

Kujtojmë se Gazment Bardhi nuk ishte i pranishëm në sallën e parlamentit ditën e sotme pasi ai është përjashtuar për 10 ditë nga Komisioni i Etikës.

LEXONI GJITHASHTU:

• Lirohet Mark Frroku dhe të arrestuarit e tjerë të konfliktit te Kepi i Rodonit
• Zhvaste njerëzit me mashtrime kompjuterike, arrestohet 30-vjeçari në Tiranë