Vetëm pak persona u lejuan të dalin nga Gaza përmes kalimit Rafah në Egjipt

Nga Rripi i Gazës i rrethuar nga ajri dhe nga toka, ka vetëm një mënyrë për të hyrë dhe dalë, Kalimi Rafah në Egjipt. Por tani për tani po hapet rrallë, edhe për pasaportat e huaja të cilëve iu premtua evakuimi.

Hamasi tha se mbajtësit e pasaportave të huaja nuk do të lejohen të dalin derisa palestinezët e plagosur të largohen. Por sipas SHBA-së, Hamasi ka përfshirë disa nga luftëtarët e tij në listën e të plagosurve. Lëshimi i tyre do të ishte i papranueshëm për Izraelin dhe mbështetësit e tij perëndimorë.

Britania tha se 90 nga shtetasit e saj ishin në një listë për t’u larguar nga Gaza përmes kalimit Rafah të shtunën, por nuk u lejuan.

Megjithatë, ndërsa dalja përmes vendkalimit ka ngecur gjatë dy ditëve të fundit, një pjesë e ndihmës po vjen nga ana tjetër, duke hyrë nga Egjipti.

Sipas BBC, Zyra COGAT e qeverisë izraelite, e cila koordinon politikat humanitare në Gaza, thotë se disa dhjetëra kamionë që transportonin ushqime, ujë dhe furnizime mjekësore hynë në brez këtë fundjavë.

Është një pjesë e vogël e 500 automjeteve që hynin çdo ditë, por është një litar shpëtimi shumë i nevojshëm mes dëshpërimit të Gazës.

LEXONI GJITHASHTU:

• Vetëm pak persona u lejuan të dalin nga Gaza përmes kalimit Rafah në Egjipt
• 140 vjetori i revistës së parë shqipe, “Flamuri i Arbërit” u botua nga De Rada