Voton Albin Kurti: Kosova si shtet i pavarur sot i kthehet popullit

Kryetari i Lëvizjes Vetëvendosja, Albin Kurti ka hedhur votën e tij pak para orës 10: 00 të paradites së sotme teksa në një prononcim për mediat e ka cilësuar të sotmen një ditë të bardhë e të shndritshme si e ardhmja që e pret Kosovën.

Ai i bëri thirrje qytetarëve që të votojnë, në mënyrë që Kosova si shtet i pavarur t’i kthehet popullit.

Qytetarët kanë nevojë për demokraci dhe institucionet për legjitimitet. Sot kjo nevojë është edhe më e drejtë, e cila më tej paraqet mundësi dhe shans që duhet shfrytëzuar dhe përdorur.

Kosova si shet i pavarur këtë të diel i kthehet popullit si burim i sovranitetit. Me dashuri për vendin duhet të votojmë”, u shpreh z. Kurti.

Kosova voton sot për të zgjedhur qeverinë e re. Qendrat e votimit janë hapur në ora 07:00 dhe do të mbyllen në orën 19:00. Lista përfundimtare përmban, 1 milionë e 794 mijë e 862 votues. Janë rreth 143 mijë votues më pak se në zgjedhjet e tetorit të 2019.

Lexoni gjithashtu:

Vjosa Osmani fton gratë dhe vajzat të marrin pjesë në zgjedhje: Barazia fillon te kutitë e votimeve

Hoti: Sot është dita kur flasin qytetarët, ta shfrytëzojnë të drejtën për të votuar

Ramush Haradinaj: Këto zgjedhje me rëndësi, t’u japim legjitimitet institucioneve të Kosovës