533 shoferëve ju hiqet patenta, vihen në pranga 233. Ishin të dehur dhe pa patentë

Janë me dhjetëra shoferët që ndëshkohen çdo ditë nga policia rrugore si pasojë e shkeljes së rregullave të qarkullimit.

Vetëm në muajin tetor, 233 drejtues mjetesh janë vënë në pranga, 138 prej tyre drejtonin mjetin në gjendje të dehur, ndërsa 95 nuk dispononin patentë.

Të konsideruar nga ekspertët e sigurisë rrugore si kontingjenti më i rrezikshëm i shoferëve në rrugë, ata janë shpesh edhe burim I aksidenteve fatale.

Veç arrestimeve, policia rrugore iu ka hequr lejen e drejtimit 533 shoferëve që u kapën në shkelje.

343 prej tyre janë ndëshkuar për shkak të tejkalimit të normave të shpejtësisë, 90 për drejtim mjeti në gjendje të dehur dhe 100 për shkelje të tjera të Kodit Rrugor, për të cilat parashikohet kjo masë ndëshkuese.

Të gjithë këta drejtues mjetesh, do të duhet të regjistrohen edhe njëherë në autoshkollë për të rimarr patentën.

Sipas statistikave të fundit të drejtorisë së përgjithshme të shërbimit rrugor, në 5 muajt e fundit janë regjistruar në autoshkollë 687 persona, por vetëm 87 e kanë rifituar patentën.

LEXONI GJITHASHTU:

• Zbardhet shkresa që Kuvendi i dërgoi Gardës: Të mos lejohen deputetët e përjashtuar
• Tensionet në Kryesi, Korreshi: E paplanifikuar, në kohën e PD s’ka ndodhur kurrë