“90% e Hamasit janë bijtë e luftëtarëve të vrarë” – Reagon ish-myftiu i Tiranës

Ish-myftiu i Tiranës Ylli Gurra tha në emisionin GoodMorning Albania në Euronews Albania se 90% e Hamasit janë fëmijët e luftëtarëve të vrarë në konfliktin e gjatë mes Palestinës dhe Izraelit.

Sipas tij, në konfliktin e nisur një muaj më parë, Izraeli po shkon përtej kufijve që po kundërshtohet edhe nga vetë izraelitët.

“Ndërgjegjja njerëzore duhet të jetë e pastër në këtë konflikt. Një shtet nuk mund të sillet si një organizatë. Nga 10 mijë civilë të vrarë në Gaza, sa janë oficerë të Hamasit, askush nuk e di, as Izraeli. Dimë vetëm që ministri i Mbrojtjes i Izraelit ka thënë të shkatërrohet gjithçka, jo vetëm, njerëzit, por edhe pemët dhe gjithçka. Shumica e ushtarëve të Hamasit, në 90 për qind janë bijtë e atyre që prindërit i kanë humbur në luftën me Izraelin, njerëzit që kanë humbur gjithçka. Izraeli po shkon përtej kufijve që po kundërshtohet edhe nga vetë izraelitët”, tha ish-myftiu.

LEXONI GJITHASHTU:

• Seri shpërthimesh në Gaza, ushtria izraelite “ndan në dysh” brezin detar
• Seri shpërthimesh në Gaza, ushtria izraelite “ndan në dysh” brezin detar